رجعت من جديد + مفاجأة

مرحبا 

مر وقت طويل على اخر تدوينه كتبتها ، الحقيقة عجزت اتذكر ليش توقفت لكن مو مهم مدام اني رجعت صح ؟ 
بهالوقت اللي مر تغيرت اشياء كثير لكن للاسف الشيء الوحيد اللي ماتغير هو وزني " او تغير للاسوء خلونا نقول ههه " 
ولهالسبب قررت اغير بعض الاشياء بحياتي واحط قدامي اهداف محدده اسعى لها لان انك تعيش على البركة بدون اهداف قدامك شيء سيء و مضيعة للوقت غير كذا " goal without a plan is just a wish " الترجمة : هدف بدون خطة مجرد امنيه .

ولان اخر شيء نبيه ان نطلع من هالحياة بعدد صغيير جدا من الاهداف و الانجازات اللي حققناها لازم نخطط صح لاهدافنا ، من ضمن مخططاتي هذي السنة كان اني انزل وزني + اعيش حياة صحية بأفضل اداء اقدر احصل عليه من جسمي ، يعني الهدف بالاجمال كان يتطلب مني اغير نظام حياتي كلة الى " healthy life style " لان قد ماتعطي جسمك و تحافظ عليه قد ماراح يعطيك و يساعدك في اللي تبيه .

كيف ممكن التزم بهدفي ؟ ايش الخطة اللي تخليني محافظة على نظام حياتي الصحي ؟ فيه كثير طرق و الاشياء اللي ممكن تساعد في هالموضوع وفي كل جزء من الحياة الصحية لكن اصعب التزام طلعت فيه من نظام الحياة الصحي هو اني اتمرن كل يوم " مع يوم واحد راحة بالاسبوع " واسمي هالجزء من اليوم بالالم الجميل هههه معاناتي اني اقوم و اجبر نفسي على التمرين اللي اعرف اني بكون مبسووطة وطايره من الفرحة بعده هي اصعب جزء تقريبا واكثر طريقة جابت معي نتيجة وخلتني التزم بهالهشيء هي " الصديق المحفز " واللي كثثيير من اليوتوبرز نصحوا فيها .

شغفي اتجاه الرياضه و الاكل الصحي للاسف ماكان موجود عند اللي حولى الى ان لقيت صديقتي الرياضيه اللي احفزها و تحفزني وتخليني مستمره على نمط الحياة الصحي وهذي المفاجأه اللي جايبتها لكم :$ 

نعم صديقتي الجميلة الرياضية راح تشاركني التدوين بهالمدونه عشان نحقق اقصى استفادة لي ولكم ، بما ان كمية المعلومات الصحية و الرياضيه عندها كثيره قررنا نتشارك ومنها نبقى متحفزين لاهدافنا الصحية مع بعض .